Պետական եկամուտների կոմիտեն տեղեկացնում է, որ եղանակային վատ պայմանների պատճառով վրացական «Նինոծմինդա» սահմանային անցակետն այս պահին փակ է։

«Խնդիրներից խուսափելու համար՝ ՊԵԿ-ը բեռնատար տրանսպորտային միջոցների վարորդներին հորդորում է՝ երթևեկությունը ժամանակավորապես իրականացնել Բագրատաշեն և Գոգավան մաքսային անցման կետերով։

Միաժամանակ, Կոմիտեն տեղեկացնում է, որ Բավրայի մաքսային անցակետը բաց է մարդատար տրանսպորտային միջոցների համար, իսկ բեռնատար տրանսպորտային միջոցների համար՝ լրացուցիչ կտեղեկացվի»,- նշված է Պետական եկամուտների կոմիտեի տարածած հաղորդագրությունում ։