Ուկրաինայի նախագահ Վլադիմիր Զելենսկին աշխատանքային այցով ժամանել է Ադրբեջան։ Այս մասին հայտնում են ուկրաինական և ադրբեջանական լրատվամիջոցները։ Ադրբեջանի նախագահի պաշտոնական կայքի համաձայն՝ Զելենսկի-Ալիև հանդիպումը կայացել է Գաբալա քաղաքում։ Երկու երկրների նախագահները հանդիպումից լուսանկարներ են հրապարակել։

Զելենսկին գրել է, որ Ալիևի հետ վարել է «կարևոր բանակցություններ»։ «Փոխադարձ հարգանք և համագործակցություն, որոնք ուժեղացնում են մեր երկու ժողովուրդներին»,- հավելել է Ուկրաինայի նախագահը՝ լուսանկարներ հրապարակելով հանդիպումից։ Երկու երկրների առաջնորդները տետատետ հանդիպումից հետո ունեցել են նաև ընդլայնված կազմով հանդիպում։

Ուկրաինայի և Ադրբեջանի հարաբերությունները զարգանում են Մոսկվայի և Բաքվի հարաբերությունների սառեցումից հետո, որը սկսվեց 2024 թ․ դեկտեմբերին, երբ Ղազախստանի տարածքում կործանվեց Azerbaijan Airlines ավիաընկերության ինքնաթիռը։ Ադրբեջանական կողմն ի սկզբանե պնդում էր, որ այն խոցվել է ռուսական զինուժի կողմից։

2025 թվականի հունվարին Վլադիմիր Զելենսկին և Իլհամ Ալիևը հանդիպել էին Դավոսում՝ Համաշխարհային տնտեսական համաժողովի ժամանակ, իսկ օգոստոսին երկու երկրների առաջնորդները հեռախոսազրույց էին ունեցել՝ քննարկելու Ուկրաինայի տարածքում ադրբեջանական SOCAR-ի նավթաբազաներին «Ռուսաստանի կողմից թիրախավորված ավիահարվածները»։

2026 թվականի փետրվարին Կիևում ռուսական հարվածի տակ էր հայտնվեց Ադրբեջանի հյուպատոսության շենքը։ Ալիևը նշել էր, որ դա տեղի է ունենում արդեն երրորդ անգամ, և Մոսկվային մեղադրել էր դիվանագիտական ներկայացուցչության վրա «կանխամտածված հարձակման» համար։

Լուսանկարը՝ Վլադիմիր Զելենսկիի տելեգրամյան ալիքից