«Չորրորդ ինքնիշխանություն». նախապես տեղյակ են եղել, որ Հունգարիան հանձնում է Սաֆարովին
Օգոստոսի 20-ին՝ նախքան Հունգարիայի՝ Սաֆարովին Ադրբեջանին հանձնելը՝ 11 օր առաջ, Հունգարիայի Հայ ազգային ինքնավարության փոխնախագահ Նիկողոս Հակոբյանը անձնապես տեղեկացրել է ՀՀ արտգործնախարարությանը, սփյուռքի նախարարությանը և Ավստրիայի ՀՀ դեսպանությանը սպասվող լուրի մասին և խնդրել Հայաստանի Հանրապետությանը անմիջապես քայլեր ձեռնարկելու՝ կանխելու Հունգարիայի վերջնական որոշումը հայտարարելը:
«Ցանկալի է պարզել, թե ինչն էր պատճառը, որ 11 օր առաջ իմանալով այդ լուրը՝ ոչ մի քայլ չձեռնարկվեց, և ոչ մի աջակցություն ցույց չտրվեց հունգարահայերիս: Շուրջ ութ տարի պայքարելուց հետո Հունգարիայի Հայ ազգային ինքնավարությունը հասկացավ, որ ադրբեջանական լոբբին այնքան մեծ է Հունգարիայում, որ այդ հարցը կանխելու համար ՀՀ դիվանագիտական միջամտությունն է անհրաժեշտ: Հունգարիայի հայ համայնքը ոչ մի աջակցություն չի սպասում Ավստրիայի ՀՀ դեսպանությունից, մենք ինքներս ինչպես միշտ, այնպես էլ այժմ քայլ կձեռնարկենք մեր դժգոհությունը հայտնելու համար Հունգարիայի կառավարությանը»,- ասված է Նիկողոս Հակոբյանի հայտարարության մեջ:
Մեկնաբանություններ (2)
Մեկնաբանել