Տեսանյութեր
Լուսանկարներ
4-րդ երեխայից սկսած՝ պետությունը պետք է բնակարան հատկացնի մարզերում. Արման Թաթոյանի նախընտրական ծրագիրը
«Ոտքի վրա» շարքի նպատակն է պարզել, թե ինչ են առաջարկում քաղաքական ուժերը երիտասարդներին։ Շարքի այս թողարկմանը զրուցել ենք «Միասնության թևեր» կուսակցության վարչապետի թեկնածու Արման Թաթոյանի հետ։
Զրուցել ենք կրթական բարեփոխումների, աշխատաշուկայի և մարզային կյանքի մասին։ «Միասնության թևերն» առաջարկում է դպրոցական ծրագիրը կրճատել մեկ տարով՝ 9+2 մոդելով, մեկ տարին թողնելով բուհ ընդունվողների համար։ Ըստ Թաթոյանի՝ ապագայի դպրոցը կարող է աշակերտին միջին մասնագիտական որակավորում տալ։
Ակադեմիական քաղաքի փոխարեն առաջարկում է երեք ակադեմիական շրջան կառուցել՝ Երևանում, Հայաստանի հյուսիսում և հարավում։ Մարզերում դասախոսների անհրաժեշտ քանակն ու որակն ապահովելու համար, Թաթոյանի կարծիքով, պետք է շահագրգռել ու վերանայել աշխատավարձները։
Առանցքային թեմաներից մեկը պետական բուհերում ամբողջությամբ անվճար կրթության գաղափարն է։ Չնայած պետական բյուջեի սահմանափակ հնարավորություններին՝ Թաթոյանը վստահեցնում է, որ միայն բարձրաստիճան պաշտոնյաների գաղտնի պարգևավճարների ֆոնդը հավասար է բուհերին հատկացվող գումարներին։ Չնայած, բացի պետական հատկացումներից, բուհերի եկամուտը գոյանում է նաև ուսանողների վարձավճարից։
Մեկնաբանել