«Հետաքննող լրագրողներ» հասարակական կազմակերպությունը ֆիլմարտադրությամբ զբաղվող անհատներին և կազմակերպություններին հրավիրում է մասնակցելու փաստավավերագրական ֆիլմի պատրաստման մրցույթին, որը կներկայացնի «Հետք»-ի գործունեության պատմությունը, զարգացման ուղին, հետաքննական լրագրության ոլորտում ունեցած ներդրումը, արժեքները և ազդեցությունը Հայաստանում ու դրա սահմաններից դուրս։

Մրցույթը հաղթող անհատը կամ կազմակերպությունը պետք է իրականացնի հետևյալ արտադրանքի ամբողջական մշակումը՝ սցենարի պատրաստումից մինչև վերջնական արտադրանքի հանձնում։

• 20-25 րոպե տևողությամբ փաստավավերագրական ֆիլմ,
• Վերը նշված փաստավավերագրական ֆիլմի հիման վրա 7-10 րոպեանոց պրոմո ֆիլմ,
• Reel-ի ձևաչափով 1-3 րոպեանոց 6 տեսանյութ։

Տեխնիկական պահանջներ՝

• Նկարահանումը պետք է իրականացվի առնվազն 4K (3840×2160) որակով։
• Ծառայության մատուցումը ներառում է սցենարական աշխատանքների իրականացումը, տեսանկարահանումը, հարցազրույցների կազմակերպումը և նկարահանումը, ձայնագրությունը, ձայնային հետարտադրական աշխատանքներն ու մշակումը, ֆիլմի համար երաժշտական ձևավորման ապահովումը, մոնտաժը, գունային մշակումը, գրաֆիկական տարրերի և անիմացիաների ստեղծումը, արխիվային նյութերի մշակումը և ինտեգրումը, ինչպես նաև ենթագրերի պատրաստումը։
• Վերջնական արտադրանքը պետք է տրամադրվի 4K Master ֆայլերով, Full HD տարբերակով, հայերեն և անգլերեն ենթագրերով, սոցիալական մեդիայի համար համապատասխան ֆորմատներով։

Ներկայացվող պահանջներ

Մրցույթին կարող են մասնակցել այն անհատները կամ կազմակերպությունները, որոնք ունեն փաստավավերագրական և լրագրողական թեմաներով ֆիլմերի արտադրության փորձ։ Մրցույթին մասնակցելու համար հայտատուն պետք է ներկայացնի հետևյալ փաստաթղթերը.

• մինչև 2 էջանոց կոնցեպտային առաջարկ, որը կներառի ֆիլմի հիմնական գաղափարի նկարագրությունը, պատմողական մոտեցումը, վիզուալ լուծումների նկարագրությունը, թեմատիկ հիմնական ուղղությունները, ֆիլմի կառուցվածքի նախնական պատկերացումը, հնարավոր հերոսների և պատմությունների շրջանակը, ինչպես նաև ստեղծագործական և տեխնիկական լուծումների համառոտ նկարագրությունը։
• պորտֆոլիոն, ներառյալ՝ վերջին երեք ֆիլմերի կամ տեսանյութերի հղումները,
• հիմնական թիմի անդամների ցանկը և նրանց դերերը,
• անհատ ձեռնարկատիրոջ կամ կազմակերպությունների պարագայում նաև պետական ռեգիստրի վկայականի պատճենը,
• ծառայության մատուցման ֆինանսական մանրամասն առաջարկը։ 

Մրցութային հանձնաժողովը ստացված հայտերը գնահատելու է հետևյալ չափանիշներով՝

• Գաղափարի ինքնատիպություն և ստեղծագործական մոտեցում - 30%,
• Պատմողական և վիզուալ լուծումների նորարարություն - 20%,
• Փաստավավերագրական կամ լրագրողական թեմաներով աշխատանքի փորձ - 20%,
• Տեխնիկական կարողություններ և արտադրական որակի ապահովման կարողություն - 15%,
• Ֆինանսական առաջարկի հիմնավորվածություն - 15%։ 

Լրացուցիչ պայմաններ`

• Մրցույթի հաղթողի կողմից մշակված վերջնական սցենարը ենթակա է պատվիրատուի գրավոր հաստատմանը։
• Պատվիրատուն իրավունք ունի առաջարկել բովանդակային և խմբագրական փոփոխություններ՝ մինչև վերջնական տարբերակի հաստատումը։
• Արտադրված բոլոր նյութերի օգտագործման և հեղինակային իրավունքների պայմանները կսահմանվեն կնքվելիք պայմանագրով։

Հայտերի ներկայացման կարգը`

Հայտատուները պահանջվող բոլոր փաստաթղթերը մեկ փաթեթով պետք է ներկայացնեն էլեկտրոնային եղանակով՝ այն ուղարկելով [email protected] էլեկտրոնային փոստին՝ նպատակ դաշտում գրելով «փաստավավերագրական ֆիլմի պատրաստման մրցույթ»։ 

Հայտերի ընդունման վերջնաժամկետն է 2026 թվականի հունիսի 13-ը։

Հարցերի դեպքում խնդրում ենք զանգահարել 094-44-24-52 հեռախոսահամարով։