«Նախ նշեմ, որ դրանում հստակ կա երկու կետ, որը շատ կարեւոր է եւ առանց որոնց այդ բանաձեւն իմաստ չէր ունենա: Առաջինն այն է, որ ՀՀ պատվիրակությունը, կարելի է ասել` հենց Հայաստանի Հանրապետությունը պահպանում է իր ձայնի իրավունքն այդ կառույցում եւ Հայաստանի նկատմամբ սանկցիաներ չեն կիրառվում: Երկրորդը` բանաձեւից հանվել է քաղբանտարկյալներ տերմինը»,- ասաց Շարմազանովը:
Այդ իրողությունը նա պայմանավորում է ՀՀ նախագահի գլխավորությամբ իշխանությունների վերջին շրջանում իրականացրած քաղաքական կամքի դրսեւորման եւ բարեփոխումների առկայության հետ:
«Ես հեռու եմ այն մտքից, որ մենք անելիք չունենք: Անելիք շատ ունենք եւ դրանք մինչեւ ապրիլ ամիսը չէ, որ պետք է արվեն, այլ առաջիկա չորս տարիների ընթացքում: Որովհետեւ մենք մեր ժողովրդին խոսք ենք տվել, որ Հայաստանը մյուս ընտրությունների ժամանակ պետք է լինի ավելի ժողովրդավար եւ անվտանգ երկիր»,- նշեց Աժ պատգամավորը:
Մեկնաբանել