Իտալիայի Մոնտեսիլվանո քաղաքում ընթանում է շախմատի աշխարհի 14-18 տարեկան պատանիների և աղջիկների առաջնությունը: Հայաստանի ներկայացուցիչները 6-րդ խաղափուլից հետո գրանցել են բարձր արդյունքներ և պայքարում են առաջատար դիրքերի համար։

Մինչև 18 տարեկան պատանիների խմբում ՖԻԴԵ-ի վարպետ Վաչե Հովակիմյանը 6 հնարավորից վաստակել է 5.5 միավոր և կիսում է 1-2-րդ հորիզոնականները:

Մինչև 14 տարեկանների մրցաշարում հաջող է հանդես գալիս ՖԻԴԵ-ի վարպետ Տիգրան Համբարձումյանը, որը 5 միավորով կիսում է 2-րդ հորիզոնականը:

Հայաստանի մյուս ներկայացուցիչների արդյունքները 6-րդ խաղափուլից հետո ունեն հետևյալ տեսքը.

• Բենիկ Ագասարով՝ 4 միավոր (Մ18)
• Ռուդոլֆ Փաշիկյան՝ 4 միավոր (Մ18)
• Վահե Սուքիասյան՝ 4 միավոր (Մ18)
• Տիգրան Սողոմոնյան՝ 4 միավոր (Մ16)
• Արտեմ Մամիկոնյան՝ 4 միավոր (Մ14)
• Անահիտ Մկրտչյան՝ 3.5 միավոր (Ա18)
• Նվարդ Հայրապետյան՝ 3.5 միավոր (Ա18)
• Սոնա Կրկյաշարյան՝ 3.5 միավոր (Ա16)
• Անգելինա Միրաքյան՝ 3 միավոր (Ա14)
• Գաբրիելա Հարությունյան՝ 2.5 միավոր (Ա14)

Նախորդ հանգստյան օրվանից հետո՝ այսօր՝ հունիսի 22-ին, կայանալու է 7-րդ խաղափուլը: Պարտիաները կմեկնարկեն Երևանի ժամանակով 17:00-ին:

Աղբյուրը՝ Հայաստանի շախմատային ֆեդերացիայի (Armenian Chess Federation) ֆեյսբուքյան էջ