Վերջին 3 տարում Հայաստանում գործող ավելի քան 70 ոչ պետական բուհից այսօր գործում է ընդամենը 34-ը: Այս մասին այսօր ասել է կրթության և գիտության նախարար Արմեն Աշոտյանը Ռուսաստանից, Ղազախստանից, Ուկրաինայից, Բելառուսից ժամանած բարձրագույն կրթության ոլորտի պատասխանատուների հետ հանդիպման ժամանակ:

Արմեն Աշոտյանը հավելել է, որ այս գործընթացը շարունակվելու է՝ ի նպաստ բուհերի խոշորացման և մրցունակության: Միաժամանակ նա ընդգծել է, որ նշված գործընթացում չի տուժել ոչ մի ուսանող. վերջիններս հնարավորություն են ստացել իրենց կրթությունը շարունակել այլ բուհերում: