ՀՀ նախագահի հրամանագրով՝ Դավիթ Թադևոսյանը նշանակվել է բարձր տեխնոլոգիական արդյունաբերության նախարար։

«Հիմք ընդունելով վարչապետի առաջարկությունը` համաձայն Սահմանադրության 150-րդ հոդվածի, ինչպես նաև «Կառավարության կառուցվածքի և գործունեության մասին» օրենքի 3-րդ հոդվածի 1-ին և 2-րդ մասերի՝ Դավիթ ԹԱԴԵՎՈՍՅԱՆԻՆ նշանակել բարձր տեխնոլոգիական արդյունաբերության նախարար»,- նշվում է հրամանագրում։

Նախագահի հրամանագրերով՝ իրենց պաշտոններում վերանշանակվել են նաև մյուս նախարարները՝

• Վահե Հովհաննիսյանը՝ ֆինանսների նախարարի պաշտոնում,
• Գևորգ Պապոյանը՝ էկոնոմիկայի նախարարի պաշտոնում,
• Դավիթ Խուդաթյանը՝ տարածքային կառավարման և ենթակառուցվածքների նախարարի պաշտոնում,
• Սուրեն Պապիկյանը՝ պաշտպանության նախարարի պաշտոնում,
• Համբարձում Մաթևոսյանը՝ շրջակա միջավայրի նախարարի պաշտոնում,
• Արփինե Սարգսյանը՝ ներքին գործերի նախարարի պաշտոնում,
• Ժաննա Անդրեասյանը՝ կրթության, գիտության, մշակույթի և սպորտի նախարարի պաշտոնում,
• Արարատ Միրզոյանը՝ արտաքին գործերի նախարարի պաշտոնում,
• Սրբուհի Գալյանը՝ արդարադատության նախարարի պաշտոնում,
• Անահիտ Ավանեսյանը՝ առողջապահության նախարարի պաշտոնում,
• Արսեն Թորոսյանը՝ աշխատանքի և սոցիալական հարցերի նախարարի պաշտոնում։