Տեսանյութեր
Լուսանկարներ
«Չորրորդ ինքնիշխանություն». «գողոնը» վաճառվե՞լ է
Ըստ «ՉԻ» աղբյուրների՝ Սյունիքի մարզում նոր սկանդալային իրավիճակ է հասունանում: Բայց այս անգամ առանցքում ոչ թե ՏԻՄ ընտրություններն են, այլ Սյունյաց մարզպետ Սուրեն Խաչատրյանի` Լիսկայի նոր բիզնես մտահղացումը, որը, ըստ էության, ԱԺ պատգամավոր Վահե Հակոբյանին ծանր կացության մեջ է գցել:
Ըստ «ՉԻ»-ին հասած լուրերի՝ Սյունյաց մարզպետն օրեր առաջ Վ. Հակոբյանին ու նրա հորը՝ Մաքսիմ Հակոբյանին պատկանող Զանզեզուրի պղնձամոլիբդենային գործարանին է վաճառել 102 մլն դրամ արժողությամբ այն սարքը, որի համար ամիսներ առաջ գործարար Սիլվա Հսւմբարձումյանը մեծ աղմուկ բարձրացրեց` ասելով, որ այդ սարքն իրեն պատկանող գործարանից առեւանգել է մարզպետ Խաչատրյանը` դրա դիմաց ոչինչ չվճարելով:
Իսկ թե ինչու է պատգամավոր Վ. Հակոբյանը գնել «անիծված» այդ սարքը եւ թե, ի վերջո, ո՞վ է տալու Համբարձումյանին «գցած» փողերը, «ՉԻ»-ն այս հարցով դիմեց Սյունյաց մարզպետ Ս. Խաչատրյանին, որն էլ գերադասեց չպատասխանել այդ հարցին, փոխարենն անջատեց հեռախոսը` ասելով, «հետո, հետո կխոսամ»:
Պատգամավոր Վահե Հակոբյանն էլ ոչնչով չզիջեց մարզպետ Խաչատրյանին` պահպանելով քար լռությունն ու հեռախոս չվերցնելու հայկական ավանդույթը: Թեեւ «ՉԻ» տեղեկություններով պատգամավոր Հակոբյանին, երբ գործից տեղյակ մարդիկ հարցրել են, թե ի՞նչ է անելու ինքն այդ սարքի ու դրա հետ կապված պատմությունների հետ, վերջինս ասել է, թե ինքը «սպրավչնին չի, որ սաղի հարցերին պատասխանի»:
Մեկնաբանություններ (2)
Մեկնաբանել