Օգոստոսի 11-ին՝ ժամը 10.33-ին, ՆԳՆ 112 օպերատիվ կառավարման կենտրոն ահազանգ է ստացվել, որ Կապանի Բաղաբերդ թաղամասում «ՀՈՎՈ» մակնիշի բեռնատարը բախվել է կայանված վիճակում գտնվող՝ Սյունիք գյուղ-Կապան քաղաք երթուղին սպասարկող «ԳԱԶել» մակնիշի տրանսպորտային միջոցին։

ՆԳՆ ոստիկանության հաղորդմամբ՝ դեպքի վայր են մեկնել ՆԳՆ Ոստիկանության աշխատակիցներ։ Ըստ նախնական տվյալների՝ ճանապարհատրանսպորտային պատահարի հետևանքով Կապանի բժշկական կենտրոն է տեղափոխվել 7 անձ։

Նրանց առողջական վիճակը գնահատվել է միջին ծանրության։ Դեպքի հանգամանքները պարզվում են։