Կիևյան կամրջի երթևեկելի հատվածի աշխատանքների ավարտով պայմանավորված՝ տրոլեյբուսային Տ5 երթուղին օգոստոսի 14-ից կվերադառնա իր հիմնական երթուղուն։ Այս մասին հայտնում է Երևանի քաղաքապետարանը։

Քաղաքապետարանը նշում է նաև, որ օգոստոսի 14-ից Կիևյան կամրջով երթևեկությունը կվերականգնվի, և կամրջի հարակից ճանապարհահատվածներում կգործեն երթևեկության կազմակերպման նախկին կարգավորումները: