Տեսանյութեր
Լուսանկարներ
«Նուբարաշեն» ՔԿՀ-ի ծառայողը փորձել է երկու բջջային հեռախոս փոխանցել ազատազրկվածներին
Քրեակատարողական ծառայության կենտրոնական մարմնի օպերատիվ վարչության «Նուբարաշեն» տարածքային բաժնում ստացվել էին օպերատիվ տեղեկություններ այն մասին, որ «Նուբարաշեն» քրեակատարողական հիմնարկի անվտանգության ապահովման բաժնի ծառայողը պատրաստվում է արգելված իրեր փոխանցել ազատազրկված անձանց։ Այս մասին հայտնում է Քրեակատարողական ծառայությունից։
«Հոկտեմբերի 12-ին տարածքային բաժնի ծառայողների կողմից իրականացված բացատրական աշխատանքների արդյունքում անվտանգության ապահովման բաժնի ծառայողն իր անձնական ավտոմեքենայից ինքնակամ հանձնել է պոլիէթիլենային տոպրակ, որում առկա է եղել երկու բջջային հեռախոս։
Անվտանգության ապահովման բաժնի ծառայողը հայտարարել է, որ տվյալ հեռախոսները ցանկացել է փոխանցել ազատազրկված անձանց։ Դեպքի առթիվ ձեռնարկվել են համապատասխան միջոցառումներ»,- նշվում է հաղորդագրությունում։
Մեկնաբանել