HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գայանե Հովսեփյան

Կենսաթոշակառուներին անկանխիկ վճարումների դիմաց հետվճար կտրամադրվի մինչև 2029թ. դեկտեմբերը․ նախագիծ

Աշխատանքի և սոցիալական հարցերի նախարարությունն առաջարկում է մինչև 2029 թվականի դեկտեմբերի 31-ը ներառյալ երկարաձգել կենսաթոշակառուներին անկանխիկ վճարումների դիմաց հետվճար տրամադրելու ծրագիրը։

Նախագծով առաջարկվում է միջոցառումը շարունակել 2027 թվականի հունվարի 1-ից՝ պահպանելով հետվճարի հաշվարկման և վճարման գործող մեխանիզմները։

Որոշման նախագծում նշվում է, որ այն իրականացվում է 2024 թվականի հունվարի 1-ից և նախատեսված է մինչև 2026 թվականի դեկտեմբերի 31-ը։ Դրա շրջանակում կենսաթոշակառուները հետվճար են ստանում կենսաթոշակային քարտով կատարած անկանխիկ գնումների և վճարումների դիմաց։

Նախարարության հիմնավորմամբ՝ միջոցառման իրականացումը նպաստում է կենսաթոշակների չափերի ավելացմանը և միաժամանակ նաև՝ անկանխիկ վճարումներ կատարող կենսաթոշակառուների թվի, անկանխիկ վճարումների ծավալների ընդլայնմանը:

Ծրագրի ժամկետը երկարաձգելու անհրաժեշտությունը նախարարությունը պայմանավորում է դրա շարունակականությունն ապահովելու, ինչպես նաև 2027-2029թթ. պետական միջնաժամկետ ծախսերի ծրագրի շրջանակում իրականացված ծախսերի պլանավորումը ապահովելու նպատակով։

Նախագիծը դրվել է հանրային քննարկման։ Այն ուժի մեջ կմտնի Կառավարության կողմից հաստատվելուց հետո։

Մեկնաբանություններ (3)

Միքայել
Ամբողջ աշխարհը օգտագործում է լատինատառ և լատինական տերմիններ։Հերիք է հակադրվել աշխարհին կեղծ պատմություններով և տերմիններով։Աշխարհը դրանք լուրջ չի ընդունում, դրա համար էլ իզգոյ ենք
Գրիգորի
Անհրաժեշտ է բարձրացնել կ/թոշակի սահմանաչափը,այն դարձնելով սահմանված ամսականը ամբողջովին։
Գրիգորի
Հաշվի առնելով համատարած թանկացումները ` անհրաժեշտ է բարձրացնել կամ հետ վճարի տոկոսային չափը կամ

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter