Վճարովի բովանդակություն

«Հայաստան․ գինու բնօրրան». Այս խորագրով ֆրանսիական հեղինակավոր SommelierS International ամսագիրն անդրադարձել է Հայաստանին՝ որպես գինեգործության վերածննդի խորհրդանիշ՝ ներկայացնելով Արմենիա Վայն գինեգործարանը, ընկերության կողմից ստեղծված գինիներն ու գործունեությունը:

Անդրադառնալով հայկական գինեգործության ժամանակակից զարգացմանը՝ Ֆրանսիայի Սոմելիեների ասոցիացիայի նախագահ Ֆաբրիս Սոմիեն, ով վերջերս դարձավ Արմենիա Վայն բրենդի դեսպանը, առանձնահատուկ ուշադրություն է դարձնում Armenia Wine ընկերությանը, որը, ըստ հեղինակի, հայկական գինին միջազգային ասպարեզ վերադարձնելու գործում կարևոր դերակատարություն ունեցող ընկերություններից է։

Սոմիեն ընթերցողին հրավիրում է յուրօրինակ ճանապարհորդության՝ հայկական գինեգործության անցյալից դեպի ներկա։ Եվ այդ ճանապարհորդությունը պարզապես գինիների, խաղողի տեսակների կամ արտադրական տեխնոլոգիաների մասին չէ։ Այն պատմություն է մի երկրի մասին, որտեղ գինին հազարամյակներ շարունակ եղել է մշակույթի, հիշողության և ինքնության մաս։

Ֆրանսիական ամսագիրը ներկայացնում է ընկերության գինիների տեսականին՝ Armenia, Yerevan, Oran, Takar, Tariri և Tariri Karasum շարքերը՝ առանձնացնելով հայկական ավանդական կարասների կիրառությունը գինեգործության մեջ։

Հեղինակը Հայաստանը բացահայտում է երկու տարբեր, բայց փոխկապակցված աշխարհների միջոցով՝ ժամանակակից գինեգործության և հազարամյակների խորքից եկող ժառանգության։

Այդ պատմության ժամանակակից կանգառներից մեկը Armenia Wine գինեգործարանն է։ Սասունիկում գտնվող, հայկական կարմիր տուֆից կառուցված տպավորիչ համալիրը ֆրանսիացի հեղինակի համար դառնում է հայկական գինեգործության վերածննդի խորհրդանիշ։ Այստեղ ավանդույթը չի դիտարկվում որպես անցյալի մասունք, այլ վերածվում է ժամանակակից արժեքի, որն իր տեղն է գտնում միջազգային գինու աշխարհում։

Միջազգային մասնագիտական պարբերականը մանրամասն ներկայացնում է Armenia Wine-ի մոտեցումը։ Ընկերությունը չի ձգտում նմանվել եվրոպական հայտնի գինեգործական տարածաշրջաններին։ Ընդհակառակը՝ նրա առանձնահատկությունը հենց հայկական ինքնության, տեղական խաղողի սորտերի և յուրահատուկ բնաշխարհի պահպանման ու բացահայտման մեջ է։

Այս համատեքստում հայկական գինին ներկայանում է ոչ թե որպես միջազգային շուկայում իր տեղը փնտրող հերթական արտադրանք, այլ որպես սեփական պատմությունն ու բնավորությունն ունեցող մշակութային արժեք։

Ֆաբրիս Սոմիեի ճանապարհորդությունը շարունակվում է դեպի Արենի, որտեղ հազարամյակների պատմությունը բառացիորեն պահպանվել է հողի շերտերի տակ։ Արենի-1 քարանձավը, որտեղ հայտնաբերվել է աշխարհի հնագույն հայտնի գինեգործական համալիրներից մեկը, հոդվածում ստանում է առանձնահատուկ նշանակություն։

Հնագետ Բորիս Գասպարյանի հետ հանդիպումը պատմությանը հաղորդում է մարդկային և զգացմունքային խորություն։ Հեղինակի ուշադրության կենտրոնում ոչ միայն 6100 տարվա հնագիտական գտածոներն են, այլև այն մարդիկ, որոնց աշխատանքի շնորհիվ աշխարհը կարողանում է նորովի ընկալել գինու պատմությունը։

Ֆրանսիական պարբերականի անդրադարձը ցույց է տալիս, որ միջազգային գինեգործական հանրության հետաքրքրությունը Հայաստանի նկատմամբ չի սահմանափակվում միայն գինու որակով կամ առանձին արտադրողների հաջողություններով։ Հայաստանը հետաքրքիր է իր պատմությամբ, ինքնատիպությամբ և այն մշակութային ժառանգությամբ, որը կարող է նոր բովանդակություն հաղորդել համաշխարհային գինու մասին պատկերացումներին։

Հոդվածում Armenia Wine-ը ներկայանում է որպես հայկական գինեգործության անցյալն ու ապագան կապող օրինակներից մեկը՝ ցույց տալով, թե ինչպես կարելի է ազգային ժառանգությունը վերածել միջազգային ճանաչում ունեցող ժամանակակից գինեգործական մշակույթի։

Ֆաբրիս Սոմիեի խոսքերով գինու համաշխարհային քարտեզի վրա կան երկրներ, որոնք հայտնի են իրենց գինիներով, և կան երկրներ, որոնց պատմությունն օգնում է հասկանալ հենց գինու ծագումն ու նշանակությունը։ Եվ Հայաստանը, ինչպես ներկայացնում է SommelierS International-ը, այդ պատմության առանցքային հասցեներից մեկն է։