Երեկ` երեկոյան` Իտալիայից վերադառնալուց հետո, Սերժ Սարգսյանը ՀՀԿ գրասենյակում աշխատանքային հանդիպում է ունեցել ՀՀԿ ղեկավար կազմի հետ: Երեկ առավոտից տեղեկություններ կային, որ նիստի ընթացքում պետք է քննարկվի ընդդիմության հետ երկխոսության իշխանական պատվիրակության կազմը: ՀՀԿ մամուլի խոսնակ Էդուարդ Շարմազանովը, սակայն, «ՀԺ»-ին հայտնեց, թե այդ հարցը նիստի ընթացում չի քննարկվել:

Այնինչ, «ՀԺ»-ին հայտնի դարձավ, որ իշխանության մեջ արդեն քննարկվում է Կոնգրեսի հետ երկխոսության պատվիրակության հետևյալ կազմը` Սերժ Սարգսյանի աշխատակազմի ղեկավար Կարեն Կարապետյան, ԱԽՔ Արթուր Բաղդասարյան, Հանրային խորհրդի նախագահ Վազգեն Մանուկյան, Սերժ Սարգսյանի աշխատակազմի ղեկավարի տեղակալ, փեսա Միքայել Մինասյան, ՀՔԴՄ նախագահ Խոսրով Հարությունյան: