HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արմեն Միրզոյան

Իրանը հարվածներ է հասցրել Բահրեյնում ամերիկյան ռազմաբազաներին

Իրանի իսլամական հեղափոխության պահապանների կորպուսը հարվածներ է հասցրել Բահրեյնի տարածքին։ Ինչպես հաղորդում է իրանական IRNA գործակալությունը՝ հղում անելով ԻՀՊԿ-ի հայտարարությանը, հարվածների թիրախում են եղել Էր Ռիֆա և Ավալի բնակավայրերի շրջանում տեղակայված ամերիկյան ռազմաբազաները։

ԻՀՊԿ-ի պնդմամբ՝ հարձակման հետևանքով ոչնչացվել են Patriot զենիթահրթիռային համակարգերի երկու ռադիոտեղորոշիչ կայաններ։ Իրանական կողմը հայտարարել է, որ ռազմական գործողությունն իրականացվել է ի պատասխան «Միացյալ Նահանգների շարունակվող ագրեսիայի և Իրանի Իսլամական Հանրապետության օդային տարածքի խախտումների»։

Մինչդեռ Բահրեյնի իշխանությունները հայտնել են, որ հարվածների հետևանքով վնասվել է քաղաքացիական նշանակության արդյունաբերական օբյեկտ։ Ինչպես փոխանցում է Reuters գործակալությունը՝ հղում անելով Բահրեյնի ներքին գործերի նախարարությանը, հարվածի հետևանքով շենքում հրդեհ է բռնկվել։ Տուժածներ չկան։

Բահրեյնի իշխանությունները չեն հստակեցրել, թե արդյունաբերական ինչ օբյեկտ է վնասվել և որտեղ է այն գտնվում։

Լուսանկարը՝ ԱՄՆ ռազմածովային ուժերի մամուլի ծառայության

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter