![](/static/articles/01/86/47/l-lmbkTcNT9c.jpg)
«Չորրորդ ինքնիշխանություն». մեզ ԱԳՆ պետք չէ
Ըստ Երեւանի գլխավոր ճարտարապետ Նարեկ Սարգսյանի՝ շատ հնարավոր է, որ առաջիկայում արտգործնախարարության եւ կենտրոնական փոստի շենքերը դառնան հյուրանոցներ:
«ՉԻ»- Եթե հաշվի առնենք մեր ԱԳՆ-ի գործունեության արդյունավետությունը, ապա Նորքի 7-րդ զանգվածի ցանկացած կոշկակարանոց լիուլի բավարար է այդ գերատեսչության համար, եւ այդ իմաստով Նարեկ Սարգսյանը գուցեեւ իրավացի է: Բայց մյուս կողմից էլ՝ եթե իրականությանը համապատասխանում են այն խոսակցությունները, որ այդ հյուրանոցների սեփականատերը Սաշիկ Սարգսյանն է լինելու, այստեղ արդեն խնդիրներ են առաջանում: Այն իմաստով, որ դրանից հետո ԱԳՆ-ին չարժե նույնիսկ կոշկակարանոց հատկացնել: Մեր ինչի՞ն է պետք ԱԳՆ-ն: Ո՞ր պետությունը կցանկանա հարաբերություններ ունենալ մի երկրի հետ, որի մայրաքաղաքի կենտրոնը սեփականության իրավունքով պատկանում է գործող նախագահի եղբորը:
Ամեն դեպքում՝ լավ է, որ այդ շենքերը հյուրանոցներ են դառնալու եւ ոչ թե սաունաներ: Չնայած՝ չի իմացվի: Մեկ էլ տեսար Նարեկ Սարգսյանը Թամանյանի արխիվում համապատասխան նախագծեր հայտնաբերեց:
Մեկնաբանել