Կողմերի փոխադարձ համաձայնությամբ Իրանի նախագահ Մահմուդ Ահմադինեժադի այցը Հայաստան հետաձգվել է: Այն կիրականացվի առավել հարմար ժամկետներում: Այս մասին հայտնում է ՀՀ նախագահի մամուլի քարտուղար Արմեն Արզումանյանը:

Հիշեցնենք, որ Իրանի նախագահի գլխավորած պատվիրակության այցը Հայաստան նախատեսված էր այսօր: Այցը պետք է կայանար Հայաստանի նախագահ Սերժ Սարգսյանի հրավերով: