Սեպտեմբերի 23-ին` ժամը 15.54-ին, ահազանգ է ստացվել, որ Հրազդանի «Ծովինար» ռեստորանի մոտ ավազի մեջ է թաղվել ավտոմեքենա:

Դեպքի վայր է մեկնել հրշեջ-փրկարարական ջոկատի օպերատիվ խումբը:

Հրազդանի Աղբյուրակ թաղամասի «Ծովինար» ջրամբարի ափամերձ տարածքում  Ս. Ասատրյանին պատկանող «Երազ» մակնիշի 42 ԼՍ 741 պ/հ ավտոմեքենան թաղվել է ավազի մեջ:

Հրշեջ-փրկարարների ուժերով ավտոմեքենան դուրս է բերվել ճանապարհի երթևեկելի հատված: