Փառատոնին կմասնակցեն  բոլոր նրանք, ովքեր սիրում են հեքիաթ պատմել /իրենց տարածաշրջանի կամ նախնիների ծննդավայրի հեքիաթները/ և տիրապետում են բարբառի, քանի որ հեքիաթները պատմվելու են բացառապես բարբառներով: Նախապատվությունը կտրվի ավանդական-ժողովրդական հեքիաթին: Պատմվելիք հեքիաթի տևողությունը մինչև  7 րոպե է:

Հեքիաթասացության և բարբառի 4-րդ փառատոնին մասնակցելու հրավիրված են հեքիաթասացներ Հայաստանում բնակվող ազգային համայնքներից /թվով 11` ասորիներ, հույներ, վրացիներ, ռուսներ, ուկրաինացիներ, բելոռուսներ, գերմանացիներ, լեհեր, եզդիներ, քրդեր, հրեաներ/:             

* Սեպտեմբերի 28-ին և 29-ին ընտրական փուլ անցած մասնակիցների կենդանի ելույթ թանգարանի մատույցներում:

* Սեպտեմբերի 30-ին մրցանակաբաշխություն և գալա համերգ:

* Ընտրական փուլը և մրցանակաբաշխությունը կկայանա ըստ հատուկ այդ օրերի համար գրված  սցենարի:

Փառատոնի անվանակարգը եւ մրցանակները

Անվանակարգ

Հեքիաթի լավագույն ներկայացում և բարբառի լավագույն իմացություն

• Թագավորի փոքր տղի/աղջկա/ մրցանակ - 1-ական քսակ ոսկի
• Թագավորի միջնեկ տղի /աղջկա/ մրցանակ - 1-ական քսակ արծաթ
• Թագավորի մեծ տղի /աղջկա/մրցանակ - 1-ական քսակ մարգարտահատիկ
• Խրախուսական մրցանակներ
• Գարեգին Սրվանձտյանի անվան մրցանակ
• Ա.Ղանալանյանի անվան մրցանակ
• Հարևանի հարսի /կամ փեսայի/ մրցանակ ազգային համայնքների ներկայացուցիչներին