Ըստ «Ժողովրդի» աղբյուրների՝ ՀՀ ոստիկանության կազմակերպված հանցավորության դեմ պայքարի (6-րդ) գլխավոր վարչության աշխատակիցները ցուցադրաբար ձերբակալել են ԱԺ ԲՀԿ-ական պատգամավոր Կարո Կարապետյանի ավտոմեքենայի մեջ եղած երիտասարդ թիկնապահներին՝ մեքենան տանելով ոստիկանություն: Ընդ որում՝ դա արել են հենց ԱԺ շենքի մոտ. մեքենան կայանված է եղել այնտեղ: Թե ինչու, երեկ չի հաջողվել պարզել: ԱԺ պատգամավորը թերթի հետ զրույցում հավաստիացրել է, որ նախ՝ ինքը թիկնապահ չունի, երկրորդ՝ իրեն պատկանող ավտոմեքենաներից որեւէ մեկը ոստիկանները ոչ մի տեղ չեն տարել. «Վլադիմիր Սերգեյիչն իմ ընկերն ա, ես իրան սիրում եմ, հարգում եմ որպես ուժեղ ոստիկանապետ: բայց ես ախրաննիկներով ման չեմ գալիս, որ տանեն: Դրա մասին բոլորը գիտեն: Ուղղակի չեմ հասկանում՝ էդքան սուտ ով ա հնարում»: 

Թերթը հիշեցնում է, որ Սերժ Սարգսյանը ոստիկաններին հրահանգել էր՝ «թիկնապահաթափ» անել պատգամավորներին ու գործարարներին՝ բառացությամբ իր տված ցուցակում ընդգրկվածների: