Մայրաքաղաքի վթարային շենքերում բնակվող ընտանիքներին նոր բնակարաններով ապահովելու նպատակով` Երևանի քաղաքապետ Կարեն Կարապետյանը հանձնարարել է ուսումնասիրել դաշտը, հաշվառել վթարային շենքերը և խնդրի լուծումը ներառել քաղաքապետարանի սոցիալական բնակարանաշինության ծրագրում:

Այսօր` քաղաքապետարանում անցկացված աշխատանքային խորհրդակցության ժամանակ, զեկուցվել է, որ սոցիալական բնակարանաշինության ծրագրի շրջանակում որոշ վարչական շրջաններ առաջարկություններ են ներկայացրել մի շարք արտադրական տարածքների վերաբերյալ, որոնք կարող են վերակառուցվել որպես բնակելի շենքեր: