Մեղադրող դատախազ Ա. Աֆանդյանը երեկ չի բացառել, որ 2004-ին Բուդապեշտում Ռամիլ Սաֆարովի կողմից կացնահարված Գ. Մարգարյանի եղբոր՝ Վ. Մարգարյանի մեղադրանքը կարող է ետ վերցնել: «Տեսականորեն ոչինչ էլ բացառված չէ»,- ասել է նա:

Վահրամ Մարգարյանը մեղադրվում է իր մանկության ընկերոջ սպանությունը կատարած Խաչիկ Գալոյանից վրեժխնդիր լինելու մեջ, մինչդեռ ոչ նախաքննության, ոչ դատաքննության ընթացքում մեղադրող կողմին չի հաջողվել գտնել էական փաստեր, որոնք կապացուցեին նրա մեղքը: Ի դեպ, երեկ այս գործով դատին ներկա էր նաեւ Մարգարյան եղբայրների հայրը, որը թերթի թղթակցի հետ զրույցում ցավով եւ մեծ դժվարությամբ անդրադարձել է Ռամիլ Սաֆարովի արտահանձնման հարցին: «Դա պետական գործ ա»,- ասել է նա ու չի թաքցրել, որ ուզում է վրեժ լուծել որդու սպանության համար: