Արցախը օգնում է սիրիահայերին
ԼՂՀ կառավարությունը այսօր օգնության առաջին խմբաքանակն է առաքել Սիրիայի հայ համայնքին: Ստեփանակերտի «Արցախֆրութ» ձեռնարկությունից մեծաքանակ ձավարեղենի, ձեթի, պահածոների և այլ պարենամթերքի բարձումը ավտոբեռնատարներ կատարել են Արցախի երիտասարդական կազմակերպությունների ներկայացուցիչները և նշյալ ընկերության աշխատակիցները: Օգնությունը նախ կհասցվի Երևան, ապա օդային ճանապարհով կփոխադրվի Սիրիա:
ԼՂՀ փոխվարչապետ Արթուր Աղաբեկյանի փոխանցմամբ` նախաձեռնությունն իրականացվում է «Օգնիր եղբորդ» համահայկական ակցիայի շրջանակներում և շարունակական է լինելու: Սիրիահայերին կուղարկվեն բացառապես արցախյան արտադրության որակյալ ապրանքներ:
ԼՂՀ կառավարության տեղեկատվության և հասարակայնության հետ կապերի վարչություն
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել