«Երևանի թռչնաբուծական ֆաբրիկա» ԲԲԸ-ն հայտարարություն է տարածել, որում նշվում է. «Երևանի թռչնաբուծական ֆաբրիկա» ԲԲԸ-ն Սննդամթերքի անվտանգության պետական ծառայությունից ստացել է գրություն առ այն, որ սեպտեմբերի 15-ի արտադրության ձվերն ունեն կճեպի աղտոտվածություն, մատակարարներին հանձնարարել է իրացման ցանցից դուրս բերել ամբողջ խմբաքանակը: Չնայած փորձաքննության արդյունքում ձվում վտանգավոր մանրէներ չեն հայտնաբերվել, այնուամենայնիվ, մինչև առաջացած խնդիրների պատճառների պարզումը, ընկերությունը կոչով դիմում է քաղաքացիներին իրենց կողմից ձեռք բերված սեպտեմբերի 15-ի արտադրության ձվերը նույն իրացման կետերում փոխանակել այլ օրերի արտադրության ձվերով»: Հիշեցնենք, որ օրեր առաջ ՀՀ գյուղատնտեսության նախարարության սննդի անվտանգության ծառայության տեղեկատվության և հասարակայնության հետ կապերի բաժնից հայտնել էին, որ իրենց կողմից ձվի շուկայում իրականացված ուսումնասիրության շրջանակներում «Երևանի թռչնաբուծական ֆաբրիկա» ԲԲԸ-ի սեպտեմբերի 15-ի արտադրության օրվա մակնշմամբ խմբաքանակից նմուշառում է կատարվել: Լաբորատոր փորձաքննության արդյունքում պարզվել է, որ նշված խմբաքանակի հավկիթներում հայտնաբերվել են շեղումներ մի շարք ցուցանիշներով:

«Ծառայությունը կոչով դիմում է սպառողներին՝ պահպանել զգոնություն, ձեռք չբերել և չօգտագործել «ԵԹՖ» ապրանքանիշի վերոհիշյալ խմբաքանակի ձու»: Այս ինչ՞ աննորմալ խորհուրդ է... Իսկ կարելի՞ է «զգոնություն» չցուցաբերել ու գնել սեպտեմբերի 15-ից առաջ կամ հետո «արտադրված» խմբաքանակները... Իսկ ի՞նչ անեն նրանք, ովքեր արդեն օգտագործել են «ԵԹՖ» ապրանքանիշի վերոհիշյալ խմբաքանակի ձվերը