![](/static/articles/01/90/30/l-L4IJgvozLu.jpg)
Վարդան Օսկանյանին անձեռնմխելիությունից զրկելու հարցը կքննարկվի քիչ հետո. ԲՀԿ-ն քվեարկություններին չի մասնակցում
Քիչ առաջ Ազգային ժողովը սկսեց քառօրյա նիստերի աշխատանքը: Հերթագրվել են 107 պատգամավոր: Ներկայացնելով օրակարգը՝ Հովիկ Աբրահամյանն ասաց, որ գլխավոր դատախազի միջնորդությունը` ԲՀԿ-ական Վարդան Օսկանյանին որպես մեղադրյալ ընդգրկելու ԱԺ-ի համաձայնությունը ստանալու մասին հարցը կքննարկի այսօր:
ԲՀԿ-ական պատգամավոր Նաիրա Զոհրաբյանը վարման կարգի վերաբերյալ ձայն խնդրեց եւ հայտարարեց, որ ԲՀԿ խմբակցությունը ոչ մի քվեարկության չի մասնակցելու, ինչին հաջորդեց ԱԺ փոխնախագահ Էդուարդ Շարմազանովի արձագանքը. «Շատ բարի»:
Այս պահին ԱԺ մուտքի մոտ մի խումբ երիտասարդներ պաստառներով բողոքի ակցիա են անցկացնում` ի պաշտպանություն Վարդան Օսկանյանի:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել