![](/static/articles/01/90/71/l-YLtYzrwfcN.jpg)
Մեղրի-Կապան ճանապարհին մեքենա է շրջվել ձորը. 25-ամյա վարորդը տեղում մահացել է
Հոկտեմբերի 1-ին` ժամը 23.29-ին, ահազանգ է ստացվել, որ Մեղրի-Կապան ավտոճանապարհի 35-րդ կմ-ում ավտոմեքենան դուրս է եկել ճանապարհի երթևեկելի մասից և գլորվել ձորը:
Դեպքի վայր է մեկնել մեկ մարտական հաշվարկ:
Դեռևս չբացահայտված հանգամանքներում «Միթսուբիշի Պաջերո» մակնիշի 98 ԼՕ 999 պ/հ ավտոմեքենան գլորվել է ձորը:
Պատահարի հետևանքով վարորդ` 1987 թ. ծնված, Քաջարանի բնակիչ Գավրուշա Հարությունյանը տեղում մահացել է:
Մինչ փրկարարների ժամանումը` ուղևոր, Քաջարանի բնակիչ, 1990 թ. ծնված Նվեր Խաչատրյանը տարբեր աստիճանի մարմնական վնասվածքներով տեղափոխվել է Մեղրիի բժշկական կենտրոն:
Բժիշկների գնահատմամբ` տուժածի առողջական վիճակը բավարար է: Այս մասին հայտնում է ՀՀ ԱԻՆ-ն:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել