![](/static/articles/01/90/78/l-vItAoSZObY.jpg)
ԲՀԿ-ն բոյկոտում է քառօրյան
Քիչ առաջ Ազգային ժողովը սկսեց իր աշխատանքները: Պատգամավորները ամբիոնից հանդես են գալիս հայտարարությամբ՝ Վարդան Օսկանյանին անձեռնամխելիությունից զրկելու գլխավոր դատախազի միջնորդագրի վերաբերյալ:
Այսօր գրանցվել է 81 պատգամավորներ: Խորհրդարանի դահլիճ չէին եկել ԲՀԿ խմբակցության պատգամավորները: Խմբակցությունից ներկա էին միայն Վարդան Օսկանյանը, Գուրգեն Արսենյանը եւ Ստեփան Մարգարյանը:
Ստեփան Մարգարյանը ամբիոնից հայտարարեց, որ ԲՀԿ-ն չի մասնակցի այս քառօրյայի աշխատանքներին, իսկ խմբակցության հետագա մասնակցության համար քննարկումներ են գնում: Ըստ պատգամավորի` խմբակցության 3 պատգամավորները եւս կլքեն դահլիճը իրենց ելույթներից հետո:
ՀԱԿ-ից Արամ Մանուկյանը խմբակցության անունից հայտարարեց, որ գլխավոր դատախազը հավատ ներշնչող դատախազ չէ եւ դրա համար, բերելով մի շարք փաստարկներ, հայտարարեց, որ ՀԱԿ-ը Վարդան Օսկանյանին անձեռնամխելիությունից զրկելու քվեարկությանը չի մասնակցելու:
Նշենք, որ բավականին բարձր տրամադրությամբ դահլիճ մտավ Հովիկ Աբրահամյանը: Տեսնելով ԲՀԿ-ի դատարկ աթոռները` Հովիկ Աբրահամյանը չկարողացավ թաքցնել ժպիտը:
Մեկնաբանել