![](/static/articles/01/91/10/l-2UKp5e2rOj.jpg)
«Հայկական ժամանակ». Փակ շուկայի նախագիծ դեռևս չկա
Երևանի քաղաքաշինության խորհուրդը դեռ նախորդ ամսվա վերջին պետք է քննարկեր Փակ շուկայի վերգետնյա հատվածի նախագիծը: Այս ընթացքում դրա համար կոնկրետ օր էր նշվում, հետո այդ ժամկետը տեղափոխվում էր: Երեկ, երբ թերթի թղթակիցը հերթական անգամ հետաքրքրվել է' քննարկվե՞ց մշակութային արժեք հանդիսացող այդ շենքի հետագա ճակատագրին առնչվող նախագիծը, Երևանի գլխավոր ճարտարապետ Նարեկ Սարգսյանն անսպասելի պատասխան է տվել' նախագիծ դեռևս չկա:
Թերթը հիշեցնում է, որ Փակ շուկայի սեփականատերը ԱԺ պատգամավոր Սամվել Ալեքսանյանն է: Ի սկզբանե նրա նպատակը եղել է շենքը քանդել և նույնությամբ նորը կառուցել, ոչ թե ամրացնել եղած վիճակով, ինչպես որ ճիշտ էին համարում շատ մասնագետներ:
Այդպիսով, սկզբում շուկայի հիմքերը փորվեցին, ու շինարարություն սկսվեց' առանց ստորգետնյա հատվածի նախագիծ ունենալու, հիմա էլ' վերգետնյա հատվածի նախագիծն է «ընդհատակ անցել»: Շուկայի պատերն, ի դեպ, թվում է՝ թույլ քամուն անգամ այլևս չեն դիմանա:
Մեկնաբանել