Վկաների ցուցմունքներից կարելի է եզրակացնել, որ Հայկ Խանումյանը իսկական «գանգստեր» է
Հոկտեմբերի 1-ին և 2-ին տեղի ունեցավ ԼՂՀ ընդհանուր իրավասության առաջին ատյանի դատարանի նիստը, որտեղ քննվեց Հայկ Խանումյանի գործը: Դատական նիստը հետաձգվեց մինչև հոկտեմբերի 8-ը:
Արցախի պետական համալսարանում (ԱրՊՀ) տեղի ունեցածին կարելի է ծանոթանալ այստեղ, այստեղ եւ այստեղ:
Դատարանում վկաների տված ցուցմունքներից կարելի է եզրակացնել, որ Հայկ Խանումյանը իսկական «գանգստեր» է. նա իբր մտել է համալսարան, բոլորին «մորով» հայհոյել է ու իրենից երկու անգամ ֆիզիկապես գերազանցող բանվորներից մեկին գցել խոտածածկին ու ոտքերով և ձեռքերով սկսել ծեծել:
Ընդ որում` նրանցից ոչ մեկը պատասխան չի տվել, բոլորը նման ծանր հայհոյանքի համար խնդրել են Հայկ Խանումյանին պարզապես հեռանալ համալսարանից:
Տուժողը ԱրՊՀ բանվոր Ալբերտ Հայրապետյանն է: Հոտկեմբերի 1-ին որպես վկա ցուցմունք են տվել ԱրՊՀ բանվոր Արթուր Ղահրամանյանը, ԱրՊՀ վարչատնտեսական աշխատանքների գծով պրոռեկտոր Վ. Մ. Ջավադյանը և համալսարանի հավաքարարուհին:
Արթուր Ղահրամանյանի ցուցմունքը՝ այստեղ եւ այստեղ:
«Խանումյան, քեզ մատաղ, գնա էլի»,- իբր ասել է Արցախի պետական համալսարանի պրոռեկտորը, Խանումյանի կողմից նրա մորը հասցեին տված վիրավորանքից հետո:
Ջավադյանի ցուցմունքը՝ տեսանյութում:
Հայկ Խանումյանը Facebook-ում և մամուլի միջոցով բազմիցս նշել է, որ իրեն «չեզոքացնելու» պատճառը Վիտալի Բալասանյանի շտաբում ակտիվ գործունեություն ծավալելն էր: «Նախաքննական ցուցմունքում խուլիգանության փաստը չժխտած Հ. Խանումյանը, չգիտես ինչու, փորձում է քաղաքականացնել բացառապես իրավական հարթությունում գնահատվող իրադեպը: Իր իսկ կատարած արարքը որպես ԼՂՀ գլխավոր դատախազի և ընդհանրապես հանրապետության իշխանությունների կողմից իբր Խանումյանի դեմ կիրառվող քաղաքական հաշվեհարդար գնահատելը ոչ այլ ինչ է, քան զուտ իրավական խնդրի քաղաքական շահարկում»,- ի պատասխան Խանումյանի հայտարարության՝ իր կայքէջում նման հաղորդագրությունն էր տարածել ԼՂՀ դատախազությունը:
Ներկայացնում ենք ձայնագրությունը, որում վկա Արթուր Ղահրամանյանը պատմում է, թե իբր ինչպես է Հայկ Խանումյանի ընկերը իրեն վախեցրել է Վիտալի Բալասանյանով:
Մեկնաբանել