![](/static/articles/01/91/61/l-RpkWayOTaB.jpg)
Հովիկ Աբրհամյանի ծիծաղն էլ եկավ
Քիչ առաջ Ազգային ժողովը 70 կողմ ձայներով ընդունեց պետական բյուջեի 2011թվականի հաշվետվությունը: Դեմ են քվեարկել ընդդիմադիր պատգամավորները:
Հովիկ Աբրահամյանը դեռ րոպեներ առաջ հորդորեց, որ «իրենց աշխատասենյակներում տքնաջան աշխատող» պատգամավորները ժամանեն նիստերի դահլիճ որպեսզի հարցը դրվի քննարկման: Հովիկ Աբրահամյանի խոսքը նույնիսկ իր ծիծաղն առաջացրեց:
Մինչեւ հարցի քննարկումը ելույթ էր ունենում ՀՅԴ-ական պատգամավոր Աղվան Վարդանյանը: Հովիկ Աբրահամյանի հորդորով, երբ նիստերի դահլիճ ներխուժեցին պատգամավորները, Ա. Վարդանյանը ստիպված ընդհատեց ելույթը, քանի որ աղմուկ էր: «Ինչի՞ հրավիրեցիք դահլիճ, աղմկում են»,-զարմացած հայտարարեց Աղվան Վարդանյանը եւ հայացքն ուղղելով դահլիճի կողմը, որտեղ աղմկում էին Սեդրակ Սարոյանն ու Մանվել Գրիգորյանը, նշեց. «Պարոնայք գեներալներ»: «Եվ սպաներ»,-պատգամավորին լրացրեց Հովիկ Աբրահամյանը:
Հարցի քվեարկությունից անմիջապես հետո, պատգամավորները «շուխուռով» լքեցին ԱԺ դահլիճը: Այդ պահին ելույթ էր ունենում սփյուռքի նախարար Հրանուշ Հակոբյանը, ով ստիպված ընդհատեց ելույթը:
Մեկնաբանություններ (2)
Մեկնաբանել