Տեսանյութեր
Լուսանկարներ
«Հրապարակ». 50:50, թե՞ 99
ՀՀԿ վերնախավում այդպես էլ չեն հասկանում, թե Օսկանյանի անձեռնմխելիության հետ կապված քվեարկության օրն ինչու պետք է բանը հասներ նրան, որ անձամբ Սերժ Սարգսյանը զբաղվեր որոշ պատգամավորների զանգել- կանչելով, երբ նրանց «բերման ենթարկելու» պարտականությունը դրված է ԱԺ նախագահի վրա, մանավանդ «ճշտով» առաջնորդվող պատգամավորները` Թոխմախի Մհերը եւ մյուսները, որոնց համար ԱԺ-ում Հովիկ Աբրահամյանը վիպ պայմաններ է ապահովել, նրա մտերիմներն են:
Ի դեպ, երբ մենք հարցրինք Մհեր Սեդրակյանին` նախագահը զանգել իրեն՝ ի՞նչ է ասել, Թոխմախն իրեն հասանելի խորքայնությամբ ասաց, թե մենք ո՞վ ենք, որ մեզ նախագահ զանգի: ՀՀԿ-ում էլ տարընթերցման տեղիք է տվել Հովիկ Աբրահամյանի միտքը, որ հնչել է լրագրողների հարցին ի պատասխան, թե որքանո՞վ է ինքը հնարավոր համարում, որ Գագիկ Ծառուկյանը պաշտպանի Սերժ Սարգսյանի թեկնածությունը: Նա պատասխանել էր` հիսուն-հիսուն:
«Եվ դա այն դեպքում, երբ մեր գործադիր մարմնի նիստի ժամանակ, բոլորիս ներկայությամբ 2 ամիս առաջ ասաց, որ Գագոն իննսունինը տոկոսով պաշտպանելու է Սերժ Սարգսյանին»,- ասաց մեզ հետ զրուցող ՀՀԿ-ականը:
Մեկնաբանել