![](/static/articles/01/93/52/l-WbuCmCxmLd.jpg)
«Չորրորդ ինքնիշխանություն». մի բան գիտի, որ ասում է
ՀՀԿ խոսնակ Էդուարդ Շարմազանովը հայտարարել է, թե առաջիկա նախագահական ընտրություններում «հիմնական պայքարը գնալու է երկրորդ տեղի համար, որովհետեւ առաջին ֆավորիտը Սերժ Սարգսյանն է»:
«ՉԻ»- Է. Շարմազանովը երեւի մոռացել է, որ 2008 թ. նախագահական ընտրությունների ժամանակ, երբ իշխանական բուրգը միասնական էր, «առաջին ֆավորիտը» զոռով-շառով-տանկով-սպեցնազով հազիվ 51 տոկոս «ստացավ», իսկ ընդամենը հինգ ամիս առաջ մի 4-5 հարյուր հազար «մեռած հոգիների» ձայներով հազիվ 40 տոկոս հավաքեց: Չի բացառվում, իհարկե, որ այս անգամ էլ «առաջին ֆավորիտը» կրկնի խորհրդարանական ընտրությունների արդյունքը, բայց դա կնշանակի երկրորդ փուլ: Իսկ այդ դեպքում արդեն երկրորդ տեղի համար պայքար չի ընթանա. այդ տեղը բաժին կհասնի Սերժ Սարգսյանին (անկախ նրանից, թե ով կլինի մրցակիցը):
Բայց Շարմազանովի վստահությունն ամեն դեպքում մտահոգիչ է: Չլինի՞ ընտրողների «նոր ցուցակներն» արդեն պատրաստ են, եւ ըստ դրանց՝ Հայաստանում ընտրողների թիվը բնակչության թվից մեծ է:
Մեկնաբանել