ՀՀ ԶՈւ գլխավոր շտաբի տեղակալ, գնումների եւ մատակարարումների հետ կապված հարցերը համակարգող Արշալույս Փայտյանը երկրում չէ, նա մեկնել է արտերկիր՝ բուժման: Այս մասին երեկ թերթի թղթակցին հայտնել է Փայտյանի օգնականը:

վերջինս չի պատասխանել հարցին, թե ուր է գնացել Փայտյանը եւ հնարավո՞ր է՝ էլ չվերադառնա: Իսկ ահա ՊՆ քննչական ծառայության ավագ սպա Մերի Սարգսյանը, ի պատասխան հարցի՝ Փայտյանը ԼՂՀ ՊԲ պարենային կենտրոնական պահեստում հայտնաբերված քրեական գործով որեւէ կարգավիճակ ստացե՞լ է, ասել է. «Ներկայումս ՀՀ ՊՆ քննչական ծառայությունում քննարկման փուլում է գտնվում ԼՂՀ ՊԲ պարենային կենտրոնական պահեստում հայտնաբերված խախտումների վերաբերյալ քրեական գործով մի քանի պաշտոնատար անձանց մեղադրանք առաջադրելու հարցը»: Ըստ նրա՝ նախաքննական մարմինն այժմ փորձում է պարզել՝ արդյոք նրանց գործողություններում առկա են Քրեական օերնսգրքով նախատեսված հանցավոր արարքներ, թե ոչ: