Նախագահ Սերժ Սարգսյանը երեկ երեկոյան մայրաքաղաքի Ավան վարչական շրջանում գտնվող Ֆուտբոլի ակադեմիայում հանդիպել է Հայաստանի ֆուտբոլի ազգային հավաքականի անդամների հետ՝ այսօր Երևանի «Հրազդան» մարզադաշտում կայանալիք ֆուտբոլի աշխարհի առաջնության ընտրական փուլի Հայաստան-Իտալիա խաղին ընդառաջ:

Հանրապետության ղեկավարը զրուցել է մեր հավաքականի անդամների հետ, մաղթել հաջողություններ: Նախագահը հորդորել է մեր ֆուտբոլիստներին՝ ինչպես շախմատի ազգային հավաքականի պարագայում, անհատական գեղեցիկ խաղ ցուցադրելու հետ միասին համատեղել ջանքերը և մտածել թիմային հաղթանակի մասին: Այս մասին տեղեկացնում է նախագահի մամուլի ծառայությունը: