Տեսանյութեր
Լուսանկարներ
Րաֆֆի Հովհաննիսյան. «Քոքոբելյանն անձամբ հրապարակեց իր սուտը, այն էլ` հերթականը»
Ստորեւ ներկայացնում ենք «Ճշմարտությունը` ամեն ինչից բարձր» վերտառությամբ «Ժառանգություն» կուսակցության ղեկավար Րաֆֆի Հովհաննիսյանի՝ լրատվամիջոցներին ուղարկած հաղորդագրությունը.
«Խաչատուր Քոքոբելյանն անձամբ հրապարակեց իր սուտը, այն էլ` հերթականը, ինչի համար մեծ ցավ եմ ապրում:
Ցավ եմ զգում հատկապես այն հրաշալի, խոստումնալից երիտասարդների համար` «Ազատ դեմոկրատներից», «Ժառանգությունից» եւ քաղաքացիական հոսանքներից, ովքեր անմնացորդ նվիրվեցին նախորդ ընտրարշավին:
Համատեղ պայքարը սխալ չէր. նորամուծություն էր եւ որոշ չափով` ռիսկային, բայցեւ հիմնավոր ու ապագայամետ:
Սխալն ընդամենը մեկ մարդու խաբեությունն է ու նաեւ մյուսների չհիմնավորված վստահությունը «տղամարդու»` նրա խոսքի նկատմամբ:
Այդ մեկը` եթե երբեւէ եղել է, արդեն չկա: Մնացածը նրա եւ Աստծո օրենքի միջեւ է:
Քաղաքական նպատակահարմարությունից դրդված` կարող էի լռել: Համբերատար սպասելուց հետո, սակայն, նախընտրեցի հռչակել ճշմարտությունը` որպես պատասխանատվության պահանջ իմ համաքաղաքացիների առջեւ:
Եվ վերջում` նրա սատարումը որեւէ հարցում ցանկալի չէ:
Րաֆֆի Կ. Հովհաննիսյան
12 հոկտեմբերի, 2012
Երեւան»:
Մեկնաբանություններ (1)
Մեկնաբանել