Մայրաքաղաքի ծննդյան 2794–րդ տարեդարձին նվիրված հիմնական տոնական միջոցառումների մեկնարկից առաջ, դեռ վաղ առավոտից Երևանի բոլոր վարչական շրջանների գլխավոր ու երկրորդան փողոցները, տոնական օրով պայմանավորված, առավել ջանասիրությամբ մաքրվել ու լվացվել են ջրցան մեքենաներով։

Վերջիններս, հատկապես մայրաքաղաքի կենտրոնական հատվածում, մեքենաների յուրօրինակ շքերթ էին կազմակերպել, որով էլ, ըստ էության տրվել է «Իմ սրտի մայրաքաղաք» կարգախոսով ընթացող «Էրեբունի –Երևան–2794» տոնական միջոցառումների մեկնարկը։ Փողոցների լվացման աշխատանքներում ներգրավվել է ընդհանուր թվով շուրջ 70 միավոր հատուկ տեխնիկա։ Այս մասին հայտնում է Երևանի քաղաքապետարանի տեղեկատվության և հասարակայնության հետ կապերի վարչությունը: