ՀՀ ԱԻՆ «Սեյսմիկ պաշտպանության ծառայությունը» տեղեկացնում է, որ այսօր՝ տեղական ժամանակով ժամը 14.13-ին, Ադրբեջանի տարածքում' ադրբեջանական Զակատալա քաղաքից 27 կմ դեպի հյուսիս-արևմուտք տեղի է ունեցել 5.5 մագնիտուդով երկրաշարժ:

Երկրաշարժի հիպոկենտրոնը գտնվում է 10 կմ խորության վրա, որի ուժգնությունն էպիկենտրոնային գոտում կազմել է 7-8 բալ:

Էպիկենտրոնի աշխարհագրական կոորդինատներն են՝ հյուսիսային լայնության 41.810 և արևելյան երկայնության 46.450:

Երկրաշարժը զգացվել է Հայաստանի հյուսիս և հյուսիս-արևելյան շրջաններում և ԼՂՀ-ում 3-4 բալ, իսկ Երևանում 3 բալ ուժգնությամբ:

Երկրաշարժին նախորդել է 4 մագնիտուդով մեկ նախացնցում և հետևել է 3.3-3.7 մագնիտուդով երեք հետցնցում: