Այսօր՝ ժամը 21.56-ին, ահազանգ է ստացվել, որ հրդեհ է բռնկվել Երևանի տրանսպորտի և կապի նախարարության շենքի տանիքում: Դեպքի վայր է մեկնել մեկ մարտական հաշվարկ:

ՀՀ արտակարգ իրավիճակների նախարարությունը տեղեկացնում է, որ հրդեհը մեկուսացվել է ժամը 22.06-ին, մարվել՝ 22.18-ին: Այրվել են հրավառության արկղեր՝ 2 քմ մակերեսով:

Ժամը 21.46-ին էլ ահազանգ է ստացվել, որ Երևանի Ամիրյան փողոցում հրդեհ է բռնկվել:

Հրդեհի օջախը գտնվում է «Արմենիա Մարիոթ» հյուրանոցային համալիրի տանիքում: Դեպքի վայր է մեկնել երկու մարտական հաշվարկ և ԱԻ արձագանքման խումբը: Հրդեհը մեկուսացվել է ժամը 21.52-ին, մարվել՝ 21.58-ին: Կրկին այրվել են հրավառության արկղեր՝ 4 քմ մակերեսով: