Տեսանյութեր
Լուսանկարներ
Ալավերդցիներն աղբը լցնում են Դեբեդի ափերին
Ամիսներ շարունակ Ալավերդի քաղաքի Էնգելս թաղամասի բնակիչները իրենց կենցաղային և շինարարական աղբը անարգել թափում են Դեբեդ գետի թաղամասին հարող ափերին:
Դեբեդին հարող գլխավոր մայրուղով երթևեկողները, այդ թվում նաեւ օտարերկրացիները, ալավերդցիների կենցաղի մասին առաջին տպավորությունը կարող են ստանալ հենց գետի ափին թափված այդ աղբակույտերից:
Աղբավայրի վերածված գետի ափերը հարում են ուղիղ Սուրեն Սպանդարյանի անվան դպրոցին և մի քանի բնակելի շենքերի: Եղանակները տաքանալուն պես աղբի գարշահոտությունը հակասանիտարակ վիճակ է ստեղծելու դպրոցի երեխաների և հենց իրենց`գետափին աղբ թափող բնակիչների համար:
Ալավերդի համայնքի բյուջեի եկամուտներից յուրաքանչյուր տարի 30 մլն դրամից ավելի գումար է հատկացվում քաղաքի աղբահանությունը կազմակերպելու համար: Սակայն, որքան էլ գումարը պատկառելի է, Ալավերդին շարունակում է մնալ աղբակույտերի քաղաք: Եվ ստեղծված վիճակի համար մեղավոր է ոչ միայն Ալավերդու քաղաքապետարանը, այլ նաև ալավերդցիները:
Մեկնաբանություններ (1)
Մեկնաբանել