Ծիծեռնակաբերդի խճուղի 3 հասցեում' Հրազդան մարզադաշտի հարևանությամբ, բացվում է Dalma Garden Mall առևտրի և զվարճանքի բազմաֆունկցիոնալ կենտրոնը: Dalma Garden Mall առևտրաժամանցային համալիրի պաշտոնական բացման արարողությունը տեղի կունենա հոկտեմբերի 20-ին, ժամը'10:00-ին: Բացման արարողությունը ներկա է լինելու ՀՀ նախագահ Սերժ Սարգսյանը:

Իսկ Dalma Garden Mall -ի հանդիսավոր բացման արարողությունը տեղի կունենա նույն օրը, ժամը' 15:00-ին: Բացումը կուղեկցվի համերգային շոու-ծրագրով, որին կմասնակցեն սիրված հայ աստղեր, ինչպես նաև անակնկալ հյուր արտերկրից:

Dalma Garden Mall-ն առաջին առևտրի կենտրոնն է Հայաստանում, որն արձագանքում է միջազգային ամենաբարձր չափանիշներին և վերածում Ձեր ժամանակը հաճելի ժամանցի:

Dalma Garden Mall-ում ներկայացված են այնպիսի հանրահայտ բրենդեր, ինչպիսիք են' Zara, Massimo Dutti, Pull & Bear, New Look, Bershka, Stradivarius, Marks and Spencer, GAP, Topshop/Topman և այլն: Տեղական, ինչպես նաև համաշխարահային բրենդեր, ինչպիսիք են' Zigzag էլեկտրոնիկայի խանութների ցանցը, Rouge օծանելիքի խանութները, Women Secret ներքնազգեստի խանութները, Mother Care հղիների և երիտասարդ մայրիկների համար ապրանքների խանութը, ELC խաղալիքների խանութը, Rio Galleria և Adolfo Domingues բուտիկները նույնպես տեղ են գտել առևտրի և զվարճանքի կենտրոնում:

Կենցաղային տեխնիկայի և էլեկտրոնիկայի սուպերմարկետ, շինարարական և տնտեսական ապրանքների հիպերմարկետ, կահույքի սրահ, հագուստի բուտիկներ, հիպերմարկետ, եռասրահ կինոթատրոն, բոուլինգի սրահ, մանկական թատրոն և խաղահրապարակ, ինտերնետ-սրճարան, արագ սննդի կենտրոններ, ռեստորաններ. Dalma Garden Mall-ում ամեն այցելուկգտնի իրեն հարմար անկյունը: Հատուկ միջոցառումներ, ցուցահանդեսներ, ներկայացումներ և համերգներ, այս ամենը նախատեսվում է իրականցնել առևտրի և ժամանցի կենտրոնում: Այս մասին հայտնում է BB Media-ն: