Հոկտեմբերի 20-ին, ժամը 09.24-ին ահազանգ է ստացվել, որ Երևանի Հալաբյան փողոցում՝ «Ֆլեշ» բենզալցակայանի մոտ, առաջացել է հողաշերտի նստվածք:

Դեպքի վայր է մեկնել ՃԿԿ արձագանքման խումբը: Տեղում պարզվել է, որ նշված վայրում առաջացել է մոտ 15-20 քմ մակերեսով ասֆալտային հատվածի նստվածք, որն իրենից վտանգ չի ներկայացնում:

ՀՀ ԱԻՆ-ն տեղեկացնում է, որ կստեղծվի հանձնաժողով` ստեղծված իրավիճակը գնահատելու, ԱԻ առաջացման պատճառները հայտնաբերելու և կանխելու նպատակով: