Հոկտեմբերի 21-ին` ժամը 16.35-ին, տեղեկություն է ստացվել, որ Երևան-Մեղրի ավտոճանապարհի 73-րդ կմ-ում` Տիգրանաշեն գյուղի մոտ տեղի է ունեցել ՃՏՊ:

Դեպքի վայր է մեկնել մեկ մարտական հաշվարկ:                                                            

ՀՀ ԱԻՆ-ն հայտնում է, որ «ԳԱԶել» մակնիշի 2983Լ պ/հ ավտոմեքենան (վարորդ` 1949 թ. ծնված Հ. Գևորգյան) դուրս է եկել ճանապարհի երթևեկելի հատվածից և կողաշրջվել:

Մինչ փրկարարների ժամանումը ուղևորները` Ելփին գյուղի բնակիչներ, 1994 թ. ծնված Վանիկ Թովմասյանը և 1965 թ. ծնված Արտեմ Հարությունյանը տարբեր մարմնական վնասվածքներով տեղափոխվել են Արարատի բժշկական կենտրոն:

Ըստ բժիշկների` Վ. Թովմասյանի առողջական վիճակը ծանր է, Ա. Հարությունյանինը` միջին ծանրության: