Հոկտեմբերի 26-ից 28-ը Ռուսաստանի մայրաքաղաք Մոսկվայում կկայանա «Պատանի սամբիստ-2012» միջազգային մրցաշարի եզրափակիչը, որին Հայաստանը կներկայացնի Ստեփանակերտի «Արցախ» մարզական ակումբի թիմը:

«Արցախը» հաղթել էր հանրապետական մրցումներում, որոնք անցկացվել էին սեպտեմբերին Երևանի, Գյումրիի, Վանաձորի, Արարատի մարզի և Արցախի ութ ակումբային թիմի մասնակցությամբ:

Հայաստանի սամբոյի ֆեդերացիայի տեղեկացմամբ՝ «Պատանի սամբիստ-2012» մրցաշարի խորագիրն է՝ «Նվիրենք երեխաներին սամբոյի աշխարհը»: