![](/static/articles/01/98/06/l-m82lmCL0Ns.jpg)
«Հայկական ժամանակ». Երեւանը նոսրացող քաղաքների շարքում է
Միացյալ ազգերի կազմակերպությունը աշխարհի 27 այլ քաղաքների հետ միասին Երեւանը ներառել է նոսրացող բնակչություն ունեցող քաղաքների աղյուսակում: Նոսրացող բնակչություն ունեցող 28 քաղաքների շարքում Երեւանը 24-րդ հորիզոնականում է: Ինչպես նշվում է ՄԱԿ-ի կողմից նախօրեին հրապարակված զեկույցում, նման եզրահանգում է արվել աշխարհի 600 խոշոր քաղաքների բնակչության վերաբերյալ տվյալների ուսումնասիրության արդյունքների հիման վրա: Ըստ զեկույցի՝ 1990-ին Երեւանի բնկաչությունը կազմել է 1 մլն 175 հազար, 2010-ին՝ 1 մլն 112 հազար, եւ կանխատեսվում է, որ 2025-ին ՀՀ մայրաքաղաքի բնակչությունը կկազմի 1 մլն 143 հազար, այսինքն՝ 1990-ից 2025 թվականներին կաճի ընդամենը 2,72 տոկոսով:
Նոսրացող քաղաքների 15-րդ հորիզոնականում է Թբիլիսին, որտեղ 1990-ին կար 1 մլն 224 հազար մարդ, իսկ 2010-ին՝ 1 մլն 120 հազար: Ցուցակը եզրափակում է Կուբայի մայրաքաղաք Հավանան:
Մեկնաբանել