![](/static/articles/01/98/07/l-gvDdGcVmjO.jpg)
«Չորրորդ ինքնիշխանություն». նվաճում ենք սիլիկոնային հովիտը
Վարչապետ Տիգրան Սարգսյանն ակնկալում է, որ առաջիկայում ԱՄՆ սիլիկոնային հովտում հայաստանյան ներկայացուցչություն կբացվի:
«ՉԻ»- Սա արդեն շատ լուրջ առաջընթաց է եւ վկայում է այն մասին, որ Տիգրան Սարգսյանը սկսել է ավելի ադեկվատ գնահատել արտաքին աշխարհը: Ընդամենը մեկ-երկու տարի առաջ նա կհայտարարեր, թե Վարդենիսում սիլիկոնային հովիտ է ստեղծվելու, որն էլ երկու շաբաթվա ընթացքում դառնալու է լավագույնը աշխարհում:
Լավ, իսկ ինչո՞վ է զբաղվելու ամերիկյան սիլիկոնային հովտի հայաստանյան ներկայացուցչությունը: Թերահավատներին շտապենք հանգստացնել՝ այնտեղ աշխարհի տարբեր երկրներից տասնյակ հազարավոր գիտնականներ են աշխատում, եւ քյաբաբի գործը կարող է լուրջ եկամուտներ ապահովել: Վերջին հաշվով՝ ժամանակն է, որ հայկական լավաշն ու էկոլոգիապես մաքուր թանը նվաճեն նաեւ սիլիկոնային հովիտը: Բնականաբար, տեղեկատվական տեխնոլոգիաների զարգացմանն աջակացող կառավարական ծրագրի շրջանակներում: Համ էլ շուտ-շուտ գնալ-գալու առիթ կլինի:
Մեկնաբանել