Գյումրիի նորընտիր քաղաքապետ Սամվել Բալասանյանը քաղաքապետարանում, բառի բուն իմաստով, կադրային ջարդ է սկսել: Բացի հայեցողական պաշտոններից, աշխատանքից ազատվում են նաև համայնքային ծառայողները, որոնք պետք է օրենքով պաշտպանված լինեին: Իհարկե, ձևակերպումը լինում է' սեփական դիմումի համաձայն, բայց աշխատողներին առաջարկվում է գրել այդ դիմումները:

Այլ բան է, որ վերջիններս չեն էլ փորձում պայքարել և հոժարակամ գրում են դրանք: Արդեն ութ վարչության պետ է փոխվել: Ընդ որում' նրանց թվում և ԲՀԿ-ականներ են, և ՀՀԿ-ականներ: