ՀՀ պետական գույքի կառավարման վարչության պետ Արման Սահակյանը չի բացառել, որ առաջիկայում այլ պետական շենքեր էլ կվաճառվեն, ու հայտարարել է. «Եթե լավ առաջարկ լինի, կքննարկվի այդ հարցը, ի՞նչ է պատահել»:

«ՉԻ»- Այն, որ Արման Գալուստիչը չի հասկանում, թե ինչ է պատահել` միանգամայն ակնհայտ է: Նրան երևի այդ պաշտոնում նշանակել են հենց նրա համար, որ չհասկանա:

Ու ճիշտն ասած` բախտներս բերել է, որ Ղարաբաղի նախագահ չեն նշանակել: Ալիևը ժամանակ առ ժամանակ «լայն առաջարկներ» է ներկայացնում Ղարաբաղում միլիարդավոր դոլարների ներդրումների վերաբերյալ:

Բայց ամենատարօրինակն Արման Գալուստիչի մուննաթն է. ասում է` բայց ես ինչի՞ պիտի պետական շենքերի վաճառքը հասարակական քննարկման առարկա դարձնեմ: Բացատրում ենք, որովհետև այդ շենքերը պատկանում են հասարակությանը, իսկ տվյալ պահի իշխանություններին ընդամենը «ի պահ են տրված ժամանակավոր կառավարման»:

Հետաքրքիր է` Արման Գալուստիրին դուր կգա՞, եթե հասարակությունն էլ բռնի ու նրա բնակարանն առանց իրեն հարցնելու վաճառի, ասենք, նույն Էռնեկյանին: Երևի, այնուամենայնիվ, դուր չի գա: