«Ժողովուրդ»-ի լավատեղյակ աղբյուրների փոխանցմամբ` Ազգային ժողովի նախագահ Հովիկ Աբրահամյանն օրերս իր մոտ է կանչել Արտաշատի քաղաքապետ Գագիկ Մուրադյանին եւ ասել, թե պետք է հրաժարվի զբաղեցրած պաշտոնից:

Աբրահամյանի նպատակն է այնպես անել, որ արտահերթ ընտրությունների ընթացքում Արտաշատի քաղաքապետ ընտրվի իր որդին` Արգամ Աբրահամյանը:

«Նման բան ինձ չի ասվել ու չի հրահանգվել, այդ տեղեկությունը ճիշտ չէ»,- «Ժողովուրդ»-ի հետ զրույցում ասաց Արտաշատի քաղաքապետ Գագիկ Մուրադյանը` վստահեցնելով, որ մնալու է իր պաշտոնին:

Մինչդեռ իր մտերմիկ շրջապատում Մուրադյանն արդեն հասցրել է դժգոհել, թե քիչ ժամանակ է մնացել՝ պաշտոնը վայելելու համար: